Nagpasaka sang kaso nga graft kag malversation ang National Bureau of Inbestigation sa mga anay kag incumbent officials sang Malay, Aklan.
Angut ini sa ginaalegar discrepancies sa income gikan sa environmental fees nga nakolekta sa mga torista nga nagabisita sa Boracay sugod 2009 tubtob 2017 base sa record sang Commission on Audit.
Ginkasuhan sanday suspended Mayor Ceciron Cawaling anay Mayor John Yap, anay Vice Mayor Wilbec Gelito kag 18 ka anay kag inmcumbent municipal councilors.
Lakip man sa ginksuhan si Municipal Treasurer Dediosa Dioso kag 11 ka town collectors.
Nakitaan sang discrepancies ang pondo kag may delay sa pagdeposito sini sa kaban sang gobyerno.
Paathag naman ni Rowen Aguirre, anay councilor kag karon executive assistant ni suspended Mayor Cawaling, ang discrepancies possible bunga sang exemption sa pagpabayad sang environmental fees kaangay sang mga residente kag mga minors nga manubo sa 12 anyos ang edad.
Photo Courtesy of Malay Municipal Government Official Website
