Davao City – Temporaryong gisuspende ang paggamit sa Food and Medicine (FM) pass sa syudad sa Davao epektibo sugod alas-12:01AM kagahapong adlawa (Marso 15, 2021).
Kini subay sa gipagawas nga Executive Order (EO) No. 12 Series of 2021 sa City Government of Davao kagahapong adlawa.
Gawas sa FM pass, suspendido usab ang pagpresenta og mga dokumento alang sa travel o movement sa tawo.
Samtang, padayong gamiton ang Davao QR (Quick Response) Code o ang Safe Davao QR alang sa pag access og goods ug ubang pang essential services sulod sa dakbayan.
“SECTION 17. FOOD AND MEDICINE PASS / OTHER DOCUMENTS. The use of the FM pass and other documents for travel/movement shall be temporarily suspended and the DQR shall be the only document that will be used to access goods and essential services.”
Aduna usay mga netizens nga misaway sa pag usik-usik og kwarta sa pag-print og bag-ong FM pass apan wala gihapon kini nagamit o bisan gina-require sa pagsulod sa usa ka establisyemento sa pagpalit og pagkaon o medisina.
RadyoMaN Kirby Manzon
