Nagpaguwa karon si Mayor Joe Espinosa III sang Memorandum circular 018-2019 nga naga-require sa mga Food handlers sa Food Festival nga magkuha sang health permit sa Iloilo city Health.
Ginhimo sang alkalde ang tikang base sa rekomendasyon ni City Health Officer Dr. Bernard Caspe.
Base sa rekomendasyon ni Caspe, dapat nga magkuha sang Health permit ang mga food handlers agud masiguro nga matinlo ang ginabaligya nga mga pagkaon sa Food Festival.
Ini agud maproteksyunan ang publiko sa posible pagluntad sang food poisoning.
Nahibaluan nga kabahin na sang selebrasyon sang Dinagyang sa siyudad sang Iloilo ang Food Festival nga naga-showcase sa mga manamit nga mga Ilonggo delicacies kag ginadagsa sang publiko lakip na sang mga Turista.
Facebook Comments
