Davao City – Gipaniguro karon sa Department of Education kun DepEd ang bahin sa palisiya sa pagkaon sa mga delegado sa Palarong Pambansa 2019.
Sa AFP-PNP Presser, giingon ni Jenielito Atillo, spokesperson sa Department of Education kun DepEd-XI nga responsibilidad sa matag delegation ang pagkaon sa mga delegado.
Apan buot i-highlight sa tigpamaba nga gimugna sa lokal nga gobyerno sa Davao pinaagi sa City Health Office kun CHO ug DepEd ang grupo o team nga musuta sa kondisyon sa food preparation ug handling sa matag delegasyon gani adunay ginapahiluna nga orientation sa mga naglangkob sa kitchen o ginatawag nga kitchen cabinet aron mapahinumduman sa pagpreparar sa pagkaon.
Matud ni Atillo nga ang maong lakang gimugna aron masiguro nga di masubli ang nahitabo sa Davao Region Athletic Association (Davraa) Meet 2018 diin nakasinati og pagsakit sa tiyan ang mga delegado gikan sa Mati City human nabiktima sa food poison.
“We don’t want to have a repeat of that incident… all the delegations should prepare food and serve it appropriately,” segun sa tigpamaba.
RadyoMaN Renz Barbarona
