Davao City – Subling gi-test sa RT PCR ang food runner nga nag-negatibo na sa COVID-19.
Kini sumala kang Davao City Mayor Sara Duterte-Capio.
“Negative ang iyang PCR pero nag ingon ang doctor nga dapat mag repeat og PCR test to make sure nga tinuod gyod nga negative siya,” saysay niini.
Padayon kining giatiman sulod sa quarantine facility samtang gihulat pa ang resulta.
“We are waiting for her second test so naa na ni siya sa atoang facility sa pagkakaron,” matud niini.
Kahinumduman nga gisulti sa mayor nga walay rekomendasyon ang mga doktor alang sa temporaryong pagpaundang sa delivery services nunot sa maong insidente.
Pahinumdom sa mayor sa mga gapa-deliver gikan sa gawas sa balay seguradohong hugasan gilayon ang kamot silbing control measures aron walay mabilin nga virus.
RadyoMaN Aimee Guinita
