Sa interbyu sa DXDC RMN Davao kang Police Major Ian James Acal, Acting Chief of Police (ACOP), gisaysay niini nga ang maong kondisyon sa panahon ang rason nga naguba ang anaa sa lima ka food stalls nga gama sa light materials, nga nahimutang atbang sa bus terminal sa Carmen.
Gisaysay ni Acal nga ang maong stalls temporaryo lamang samtang gina-construct ang ilahang orihinal nga pwesto nga anaa ra usab duol sa maong lugar.
“Dili man sya maingon siguro nga ipo-ipo pero kusog gyud kaayo ang hangin. Wala ‘tay casualty. Naa ‘tay injured isa kabuok pero slight lang. Nagasgas lang siya. Wala may nadat-ugan ato,” sulti sa pulis.
Mipasalig usab ang Local Government Unit (LGU) Carmen nga matabangan ang mga business owner o nanag-iya sa maong mga naguba nga tindahan.
RadyoMaN Kirby Manzon
