Maagang umikot ang mga tauhan ng Urdaneta City Police Station sa mga pampublikong pamilihan ng lungsod bilang bahagi ng kanilang regular na foot patrol. Layunin nito na tiyaking ligtas ang mga mamimili at tindero, lalo na sa mga oras na matao ang palengke.
Habang isinasagawa ang patrol, aktibong nagbabantay ang kapulisan laban sa posibleng insidente ng nakawan at iba pang kaguluhan, kasabay ng pakikipag-ugnayan sa mga vendor at mamamayan. Ang presensiya ng pulisya ay nagsisilbing panatag na paalala na may agarang reresponde sa anumang concern sa lugar.
Patuloy na hinihikayat ang publiko na makipagtulungan sa kapulisan sa pamamagitan ng pagiging alerto at maagap sa pag-uulat ng kahina-hinalang gawain, upang mapanatili ang kaayusan at seguridad sa mga pamilihang bayan ng Urdaneta.
