Davao City – Buot karong iduso sa 19TH City Council ang usa ka ordinansa sa syudad nga mag-require sa publiko nga mubakwit gayod panahon sa mga katalagman ug uban pang mga insidente.
Gikanayon ni Committee on Peace and Order and Public Safety chair Councilor Mabel Acosta nga atol sa Executive Legislative Agenda karong adlawa nahisgutan ang planong pagpanday sa Safety Ordinance of Davao.
“Diha nato i-institutionalized ang tanang mga plano for the public safety. Regarding fire, calamity, terrorist attacks, extremist groups, drought, lahat ng klaseng katalagman nga pweding mahitabo natural o man-made disaster. Kung unsa toy atong mga measures ibutang nato didto sa Safety code of Davao,” matud ni Acosta.
Gibutyag ni Acosta nga ubos niini nga balaod mamahimong pugsanon nga mapabakwit ang mga residente kinsa anaa sa peligro aron usab dili mabutang sa alanganin ang mga rescuers.
RadyoMaN Aimee Guinita
