Davao City – Angayan lang papahawon ang mga tawo nga nagpuyo sa mga calamity- prone areas tungod sa climate change nga moresulta unya sa mga landslide, mudslide, rockslide ug uban pang klase sa mga kalamidad.
Matud ni Betty Cabasarez, Kinaiyahan Foundation Executive Director, ensakto ang lakang nga matag lokalidad nga mag pasar og ordinansa alang sa mandatory nga pagpabalhin sa mga tawo nga nagpuyo sa mga delikadong lugar.
Apan giklaro usab ni Cabasarez nga gikinahanglang adunay klarong mabalhinan ug kapanginabuhian ang mga tawo nga gipabakwit.
Samtang supak usab ang director sa Kinaiyahan Foundation nga i-ban ang quarry operations tungod kay gikinahanglan usab kini apan pahugtan lamang ang pagmonitor sa gobyerno kung nagsunod ba sa husto ug sustainable nga pag-quarry aron malikayan ang disgrasya.
RadyoMaN Bernard Pantallon
