FOREMAN GIPUSIL PATAY

140

GENERAL SANTOS CITY- Gi pusil patay sa duha ka wala pa mailhing mga lalaki ang usa ka foreman, sa usa ka construction company sa may intek barangay Mabuhay, Gensan alas 4:30 ang takna sa buntag karong adlawa lamang December 7, 2020.

Giila ni Police Major Patrich Elma, labaw sa makar police station ang biktima nga si Edwin Celino Jr. 42 anyos, foreman sa usa ka construction company ug residente sa purok 2 Barangay Conel.

Sumala sa kauban sa biktima nga si alias dodong, duha sila sa biktima nga nag sakay sa usa ka topdown nga motor atung tungora ug padulong sa Marbel apan pag-abot sa unahan sa tulay sa may purok intek brgy. Mabuhay, gi sundan matud pa sila sa usa ka naka motor nga TMX 125 nga may angkas ug dayun gi pusil ang iyang kauban nga foreman sulod sa pipila ka higayon.


Naigo ang biktima sa iyang lawas ingon man sa iyang likod ug dughan nga bahin ug gilayong gidali ug dala sa iyang kauban sa balay tambalanan aron masalba pa ang kinabuhi apan nakabsan sa kinabuhi.

Sa karon, nagpahigayun na ug makuting imbestigasyon ang kapulisan aron masikop sa madaling panahon ang mga suspek.

For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation



[image: gipusil.jpg]

Facebook Comments