Foreman kulong matapos magpang buno

16

Kalibo, Aklan — Kulong ro sangka foreman pagkatapos nga magpangbuno sa Galledo St. Barangay New Buswang Kalibo kabii.
Ro suspek hay ginkilaea kay Ricky Faeldonia Y. Subabo, 46, residente it Odiongan, Romblon samtang ro biktima hay ginkilaea kay Reynaldo Gayapa Y. Tiyamson, 37 it barangay New Buswang Kalibo
Base sa imbestigasyon it mga otoridad may nagtuhaw nga mainit nga diskusyon sa magtimbang nga parte kun sa siin una nga ginbayo it biktima ro suspek ag inigo raya sa likod nga porsyon it ana nga ueo apang bumaeos ro suspek ag gulpi eang nga binuno nana ro biktima .
Sa mayad nga swerte hay may nagtambag nga anda mang kaibahan sa lugar ag dayon man nga gindaea ro nasambitan nga biktima sa Provincial Hospital para sa nagakaigo nga pagbueong.
Samtang ro suspek hay nakapaeagyo pa apang nahadakpan man raya it mga barangay tanod sa may Christ the King New Buswang Kalibo ag ginturn over sa mga miyembro it kapulisan
Sa makaron hay nakakulong sa Kalibo PNP ro suspek para sa nagakaigo nga disposisyon.

Facebook Comments