Dipolog City – Patay nang nadiskobrehan sa mga kauban ang ilang foreman sulod sa gikatulogan niini nga bunkhouse kagahapon bandang alas 7:30 sa buntag, didto sa Brgy. Turno, dakbayan sa Dipolog.
Ang bikitma giila nga si Julie Mondas Anggang alias ‘Jojo’ 31 anyos, lumad nga taga Purok Mahogany Barangay De Venta Perla, lungsod sa Polanco, Zamboanga del Norte ug usa ka foreman sa Animas Construction nga nakabase sa Brgy, Turno.
Sumala pa sa mga kauban nga nahibabi sa rmn dipolog, nga nianang gabii nagpanghikap na sa iyang li-og ang maong biktima ug adisir pa natulog, nirespertar pa kini ug inum sa usa ka shot sa ilimnon makahubog.
Gikatingala nila nga nianang pagkabuntag wa nakamatag sayo ang maong biktima, ug sa dihang gipokaw nasuta nikaging na sa gihigdaan hinungdan gipahibalo kini sa buhatan sa kapolisan.
Sa gihimong paghiling sa patay lawas sa taga SOCO way nakitay foul play sa hitabo human way nakitang samad o lagum diin gituhoan ataki sa sakit sa kasing kasing ang gikamatay, niini.
Wa na mitugot ang mga kabanay sa maong foreman, nga ipaubos pa kini sa autopsy.
