Forensic team sa NBI muhimo’g awtopsiya kang Amierkhan Mangacop

Davao City- Ipailawom sa awtopsiya ang patayng lawas sa 19 anyos nga si Amierkhan Mangacop, kinsa gipusil patay gawas sa usa ka bar sa makadaghang higayon sa suspek nga si Dr. Marvin Rey Pepino, usa ka PNP Non Uniform Personnel ( NUP).

Sa eksklusibong interbyu sa RMN kang Juhary Guro, National Bureau of Investigation XI Investigative Agent, gibutyag niini nga nitugot ang pamilyang Mangacop diha sa pag-exhume sa patayng lawas sa biktima aron kini ipailawon sa awtopsiya.

Matud ni Guro, nibyahe na gikan sa Davao pa- Cotabato City ang ilahang forensic team kinsa muhimo sa awtopsiya.

“We will get the slugs pinakaimportante, then the direction ng bala. Doon sa pictures may mga contusion collar, ibig sabihin ng contusion collar malapitan… pag may contusion ang gun wounds it means to say less than 6 inches ang (pagkakabaril),” sumala ni Guro.

Sumala ni Guro dako kining tabang ang himuong awtopsiya diha sa parralel investigation sa NBI XI sa Mangacop murder case.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>