Davao City – Gibana-banaang anaa sa lima ka ektarya nga luna ang nasunog sa nahitabong forest fire sa Upper 6, Tamayong Calinan, Davao City nga duol sa usa ka prayer mountain sa Kingdom of Jesus Christ nga nagsugod bandang alas-10:30 kagahapon sa buntag.
Sa pakighinabi sa DXDC RMN Davao kang SFO2 Ramil Gillado, Deputy Chief of Investigation and Intelligence Section sa Davao City Fire District, sumala niya nga subay kini sa ilang gihimomg inisyal nga pagpanubay kagahapon gani ginasuta pa nila ang hinungdan sa giiingong forest fire ug wala ginabalewala ang mga posibleng rason sama sa pagdaob o sa kainit.
Dugang niini gibutyag usab ni Gillado nga nalisdan ang kabomberohan sa pagsulod sa area tungod sa kasubida sa lugar.
Sa karon, padayon pang ginaimbestigahan ang maong sunog.
RadyoMaN Renz Barbarona
