ILOILO City – Preso na karon sa Mandurriao police station si anay punong barangay Ramonito Gratis sang Brgy. Pali Benedicto, manduriao matapos gin- serbihan sang search warrant alas 5:40 kahapon sang hapon.
Narecover sa balay ni Gratis ang 32 ka mga bala sang armas lakip ang magazine pouch kag isa ka bag.
Suno sa kay Police Chief Inspector Engilbert Banquillo, station commander sang Mandurriao PNP nga 2014 pa nga wala ni Gratis narenew ang iya shotgun rason nga gin applyan ini sang search warrant santo sa programa sang PRO-6 nga “tokhang kontra guinadili-an nga pusil”.
Aminado naman si ex-kapitan Gratis nga wala niya na renew ang iya armas kag iya pa ginsiling nga wala na sa iya ang iya armas.
Si Gratis ang nagpungko nga kapitan sang Pali-Benedicto halin sang 1991 tubtub sang 2007 kag nag obra bilang intel sa idalum ni late DOJ Sec.Raul Gonzales Sr.
Photo from web
