Atol sa pakighinabi sa Davao Media si Former President Duterte, nanawagan kini sa publiko nga dili niya gusto nga samukon ang dakbayan sa Davao. Segun sa kanhi pangulo nga bisan og niretiro na siya sa politika, ang gusto lamang niya nga malinawon ang syudad.
Gipasabot niini, kung ugaling samukon nila ang dakbayan sa Davao, ang iyang anak nga Mayor (Sebastian Duterte) gitudloan matud pa niya nga buhaton lang ang tama sama sa gihimo niini ug dili mogukod sa tawo nga walay sala.
“Di ko gusto og samok pero muabot anang punto nga di gyud kapugngan basta ga-warning ko,” pamahayag niini.
Sa pagbisita sa kanhi pangulo kagabii, wala makauban niini si Sen. Christopher Lawrence “Bong” Go tungod kay aduna kini importanteng gilakaw.
Gihangyo sab ni FPRRD sila si Sen. Bong Go, Davao City 1st. District Rep. Paulo ‘Pulong’ Duterte ug Davao City Mayor Sebastian ‘Baste’ Duterte nga mohatag og mga grocery items sa taga Brgy.8-A, ning syudad sa Davao.
Gipadangat usab sa kanhi Presidente ngadto sa iyang mga anak ang problema sa katawhan sa Brgy.8-A nga tulo na ka adlaw nga walay tubig.
RadyoMaN Don Pulayao
