Davao City – Adunay ni-uyon sa sugyot-balaudnon nga limitahan ang ‘optimal working week’ sa tanang mga trabahante gikan sa lima o unom ka adlaw matag semana ngadto sa upat ka working days na lamang nga adunay napulo ngadto sa 12 ka oras ting-trabaho.
Apan natabunan kini sa mas daghang opinyon sa katawhan kinsa nagtoo nga mas makaayo sa overall performance productivity sa mga personahe kun ipabilin ang presenteng otso oras gumikan mismong scientific and medical studies nagpakita nga ang walo ka oras sa panarbaho makonsidera nga rasonable.
Sa iyang kabahin, gisugilon ni Davao City Chamber of Commerce and Industry (DCCCII) officer Antonio dela Cruz nga dakung supak ang sektor sa mga magpapatigayon sanglit daw gitudloan lamang nato ang mga tawo nga magtinapulan.
Sa iyang kabahin, gitataw ni Alan Tanjusay sa hut-ong nga Associated Labor Union-Trade Union Congress of the Philippines (ALU-TUCP) nga pabor kini sa gibarugan sa mabagang duot sa mga yanong lungsuranon.
Apan si Tanjusay nagpasidaan nga gawas sa ‘compressed work week legislation,’ mas importante ug kritikal nga katikaran mao kining paningkamot sa mga legislators nga mapasar ang adjustment sa existing minimum wage law ug uban pang mga pro-workers working environment.
Kasamang June Duterte
