Bug-os sa gihapon ang pagpati ni Fourth district congressman Ferj Biron nga wala sang magabag-o sa nahisugtan sang apat ka mga kongresista nga ginalakipan sang second, third , fourth kag fifth district nga siya ang iga-endorso bilang gubernatorial candidate sa mid-term election sa 2019.
Ini ang pahayag ni Biron kasunod sang pag-biya ni Governor Arthur Defensor sa Liberal Party kag karon isa na ka Independiente.
Suno kay Biron nga base sa ila gentlemen’s agreement, siya ang suportahan nga kandidato sa pagka-gobernador regardless kon ano man ang ila ginalakipan nga partido.
Ginhatagan pagtamod ni Biron nga ang ila kasugtanan nabase sa personal choice kag indi sa party affiliation.(sspunay)
