Mao kana ang gibutyag ni Family Planning Organization of the Philippines (FPOP) Davao Chapter Program Manager Hermie Escalante sa interview sa DXDC RMN Davao human ang balitang usa ka 14-anyos nga estudyante ang namatay human giingong gisagpa sa iyang magtutudlo didto sa sa Peñafrancia Elementary School sa Antipolo City.
Dugang niya nga posibleng nakasinati ang maestra mismo og mga pagpangabuso sa bata pa hinungdan nga nadala niini ang trauma samtang nagdako siya kay sumala pa, ‘a battered can be a batterer’.
“Ang katong mga kabataan, hamtong o kabatan-onan nga nakasinati og pagpanglutos, pagpasakit, naay vulnerability nga sila pud mupasakit,” segun ni Escalante.
Sumala pa nga ang mediko legal lang ang makasulti sa hinungdan sa kamatayon sa maong estudyante ug hulaton nalang ang resulta sa imbestigasyon ug autopsy kung ang sagpa ba gyud ang rason nga nakabsan kini sa kinabuhi.
Hinuon, giawhag ni Escalante ang mga magtutudlo nga bisan pa og unsa kabadlungon sa mga bata, dili makatarunganon ang pagpanat kanila ug gilayong angay nga siguruhon nga maayo ang mental health sa tanan sulod sa mga tulunghaan.
RadyoMaN Ivy Parido
