Sa interview sa DXDC RMN Davao kang FPOP Davao Chapter Program Manager Hermie Escalante, iyang gibutyag nga, ang uban inahan nga duna’y laing kaipon, mulangyaw sa laing nasud aron manarbaho tungod sa kapobrehon samtang ang anak ibilin sa step father niini.
Ikaduha, tungod sa kawad-on mahadlok ang bata mangayo og tabang ilabi na og ang abuser adunahan gani posibleng wala kini kabalo sa kung unsa nga ahensya ang saktong duolan.
Ikatulo, adunay sexual and physical abuse nga mahitabo tungod sa mga sa mga illegal nga droga ug ilimnong makahubog. Ug katapusan, ang impluwensya sa social media.
Kini subay sa balitang pipila na ka batan-on ang sexually abused lakip na ang usa ka 11-anyos nga estudyante sa Valenzuela City nga giunay sa iyang maestro ug gipainom kini og pills aron dili mabuntis.
Maong pahinumdom ni Escalante nga kung naay bata nga naabuso, kung mamahimo i-address dayon ang child protection committee o sa mga ahensyang andam mu-response, mudumala og counselling ug abri muhatag og support system.
RadyoMan Ivy Parido
