SYUDAD sang Iloilo – Ginaduso sang Family Planning Organization of the Philippines (FPOP) ang pagpaidalum sa Human Immunodeficiency Virus ukon HIV test sang mga minors nga narescue sa Iloilo terminal market (super) sa lugar nga gina-alegar ginahimo nga sex den.
Suno kay Monalisa Diones, Project Manager sang FPOP Iloilo, ang mga kabataan nga biktima sang trafficking sa masami biktima man sang sexual abuse kag ginakontrol sang mga bugaw.
Pahayag ni Diones may libre nga HIV test sa ila klinika sa sulod sang 24 oras kada adlaw.
Ang pahayag ginhimo ni Diones kasunod sang nabuyagyag nga gina-alegar nga may sex den sa supermarket.
May mga minors man nga narescue ang Task Force on Moral Values and Formation kag LEEO sa merkado nga ara sa lugar bisan pa may ginapatuman nga curfew for minors.//via Joel Franco reports
