Gipasabot ni Duterte atol sa prayer rally sa Maynila, gabii, March 12, 2024 nga parehong nagdagan sa dugo sa mga Marcos ang pagbag-o sa konstitusyon aron patas-an pa ilang termino.
Gani giawhag ni Duterte ang katawhan nga dili magpabayad para lang sa usa ka pirma nga mubag-o sa nasud nga mao na hinuon ang ikaguba niini.
“Wag kayong pabayad. Maskin na matunaw yang mga kamay ninyo. Sabihin ninyo sa kapitbahay ninyo na pag pumirma ka diyan, papatayin kita. Magpatayan nalang tayo. Wag kayong pumayag sa kabulastugan nay an. Masisira ang Pilipino,” matud pang FPRRD.
Gidugang pa ni Duterte nga si Bongbong Marcos wala nay lain mahimo pa kung dili ang maglaag-laag nalang.
Mitambong sa maong prayer rally ang pipila ka mga senador sama nila Sen. Bato dela Rosa, Bong Go ug Robin Padilla ingon man si bise president Sara Duterte.
RadyoMaN Ivy Parido
