Sa pamahayag ni FPRRD sa “Gikan Sa Masa Para Sa Masa” Facebook page, iyahang gitataw nga mamahimong mag-atubang og bug-at nga silot ang mga mayor nga pugngan ang pagtapok sa mga tawo sama sa himuon unta nga “Hakbang ng Maisug” Peace Rally sa Bulacan nga wala nahinayon tungod kay wala sila gihatagan og permit.
Matud ni FPRRD, bisan niadtong siya mayor pa sa Davao, wala siya nakahimo pagbabag sa mga mag-rally tungod kay kini ilahang katungod ug kini nakalatid sa Konstitusyon.
“Hindi kami binibigyan ng permiso ng mga mayor na mag-rally. Alam mo nasa konstitusyon yan. To peacefully assemble for redress of grievance is a Constitutional right of everybody. You just cannot violate it kasi magkakaroon ka ng kaso nyan. At ang hatol nyan is dismissal from the service,” tipik sa pamahayag ni FPRRD.
Nasayrang nagpagula usab og statement ni Davao City Mayor Sebastian “Baste” Duterte kalabot sa wala nahinayon nga peace rally sa Bulacan.
Matud ni Baste, ang aksyon sa administrasyon nagpamatuod lang nga wala girespeto ang katawhang Pilipino, apan dili kini makapahilom ug makapugong sa katawhan kunduli mas makahatag pa’g kusog aron mangisog aron maproteksyonan ang Konstitusyon.
RadyoMaN Kirby Manzon
