Davao City- Mibisita si Kanhi Pangulong Rodrigo Duterte sa haya ni Police Corporal Anthony Mark Corsino sa Bago Oshiro, Mintal, syudad sa Dabaw kagabii.
Sumala ni Police Master Sergeant Sharon Corsino nga bandang 11:00 kagabii, kalit miabot ang kanhi Presidente sa haya sa iyang igsoon nga si Police Corporal Anthony Mark Corsino.
Suma ni Sharon, nasuko ang kanhi pamuno-nasod sa brutal nga kamatayon ni Corsino diin gitambagan niini ang pamilya nga mag-amping kay ang mga kriminal karon andam na sab mupatay sa ilang mabiktima.
Mitunol usab og financial assistance ang kanhi pangulo ngadto sa asawa ni Police Corporal Corsino ug gisaaran usab niini ang magulang nga babaye sa namatay nga pulis nga tabangan makabaton og item sa iyang trabaho sa Davao City Health.
Gikatakda ilubong karong Sabado sa hapon si Police Corporal Anthony Mark Corsino sa Memorial Park sa Calinan.
RadyoMaN Joel Viray
Facebook Comments
