FPRRD mudagan isip Vice President o Senador kung matanggal sa posisyon si vp sara, ubang mga pilipino wala nakauyon

Davao City- Undangon na matud pa ang political dynasty sa Pilipinas ug tagaan og higayon ang uban nga aduna’y kaalam ug kasingkasing nga mulingkod sa katungdanan aron makaserbisyo sa katawhang Pilipino.

Mao kana ang komento sa pipila mga netizens human nga niingon si Former President Rodrigo Duterte nga mapugos siya og dagan isip bise presidente o senador kung ugaling ma-impeached si VP Sara Duterte.

“Alam ninyo ba kapag ginawa ninyo ‘yan, babalik ako sa politika. Mapilitan ako—it’s either I run for senator or I will run for vice president maski matanda na ‘ko,” butyag ni FPRRD sa programa sa usa ka National TV.

Bisan paman nga aduna’y daghang wala niuyon, nagpakita gihapon og suporta ang Davaoeños tungod matud nila nga si Digong lang ang nagapakita og tiunay nga malasakit ug gugma sa nasud.

Dugang pa sa usa ka Rahima Gubat sa usa ka FB post nga diri sa Mindanao, ihatag nila ang ilahang kinatibuk-ang suporta sa pamilya Duterte aron mabalik na ang kalinaw sa Pilipinas.

“We want to get back the peace, the way you governed the Philippines on your time. We want a leader just like you,” segun ni Gubat.

RadyoMaN Ivy Parido