Tuman ang pagpasalamat ni Fr. Teresito ” Chito” Suganob matapos nahilway sa pagkabihag sang Maute Terror Group sa Marawi City.
Sa eksklusibo nga interview sang RMN News team, ginpahayag ni Fr. Suganob nga iya ginapasalamatan ang Ginuo nga nakabalik pa siya sa hometown sang iya mga ginikanan sa Lambunao, Iloilo.
Suno pa sa iya nga gin-hostage sila sang terorista nga grupo agud bawi-on sang gobyerno ang mga tropa nga gin-deploy sa lugar .
Madumduman nga sang nagligad nga Mayo 23, 2017, gin-sulod sang ISIS-inspired MauteGroup ang Marawi kag ginbihag sang mga ini si Fr. Suganob sang St. Mary Church upod ang iban pa nga mga indibidwal kag sang nagligad nga Setyembre natigayon nga ma-rescue sang tropa sang gobyerno si Fr. Suganob.
Nahibaluan nga naghiwat kaina sang misa si Fr. Chito Suganob sa Lambunao Parish Church kag iya ginsaysay ang inagyan sa kamot sang Maute Group.
