Francis Tolentino ginkwestyon an mga balota ha Calbayog City, Samar

TACLOBAN CITY – Ginkwekwestyon yana ni anay Metropolitan Manila Development Authority Chairman ngan yana Political Presidential Adviser Francis Tolentino an mga balota dida han nakalabay nga eleksyon ha Calbayog City, Samar kay mayada daw ini mga balota nga nahiapil tikang pa han 2013 Election.

Ha naging pamahayag ni Tolentino, nasiring hiya nga iba an kulay han 2013 ballots ngan iba an ginsishade nga ngaran. Diri hiya kandidato dida han tuig 2013 ngan diri adto Presidential Elections. Pakiana niya kay ano nahiapil ha balota an 2013 ballots ha 2016 ballots.

Gintikangan na han Senate Electoral Tribunal an manual counting ha 600 nga balota kaparte ini han kan Tolentino Electoral Protest kontra ha pagka daog ni Sen. Leila De Lima.


Hi Tolentino in dumalagan dida han 2016 Election kumo independent candidate nga waray makasakob ha Magic 12 kun diin nasunod an iya boto kan De Lima nga aada ha sobra 1.2 million.

40, 000 nga boto an gap ni De Lima ngan Tolentino dida han counting sanglit nagtikang na daw hiya paghuna-huna.

Ginkwestyon gihapon ni Tolentino kun kay ano waray hiya may nakuha bis usa nga boto ha Basilan Isabela City, Tabuan Lasa ngan ha Datu Sinsuat, Parang ngan Matanog ha Maguindanao.

Facebook Comments