BATA PA
Ang 21 anyos nga miyembro sa Hashtag group sa noontime TV show nga “It’s Showtime” namatay kagahapon, November 11, pasado alas 3 sa hapon tungod sa pagkalumos sa may Davao Occidental.
Bisag dili pa ingon ana ka-sikat ang maong celebrity tv host nga si Franco Miguel Hernandez Lumunlan nga mas nailhan isip Hashtag Franco apan daghan gihapon ang nasayangan kaniya tungod kay buotan kini ug naay charm in front of the camera. Bag-o lang kaayo ni siya sa showbiz. Niadtong April pa lang sad gane ni nagselebrar sa iyang 21st birthday.
Ang iyang mga co-member sa Hashtag ug bisan mga host sa maong show sama ni Vice Ganda pwerteng kurata sa maong panghitabo. Apil napud nga nagpost sa ilang social media accounts silang Kim Chiu ug Gretchen Ho aron magpagawas sa ilang kaguol ug pagkasayang.
Daghang fans pud ang mipaabot sa ilang condolences sa pamilya nga nabiyaan ni Franco. Apan sigurado nga mas labihang naguol o na-traumatize ang iyang girlfriend nga uban niya sa pagkahitabo sa maong insidente.
GIHAPAK UG DAKONG BAWOD
Suma pa sa balita nga giimbitar sila sa iyang co-member sa Hashtag nga si Tom Doronal kay nanag-iya ni og usa ka resort sa maong lugar. Sa ilang pagbiyahe sakay sa usa ka-motor banca gikan sa maong resort kay kalit nga gihapak og dakong bawod ang maong sakayan. Nga maoy hinungdan sa pagkatagak ni Franco ug sa iyang girlfriend. Wala siguro ni sila kagunit og tarong kay gamay ra man kuno nga banca ilang gisakyan.
Na-rescue ra dayon sila sa crew sa maong sakayan apan sa pag-rescue nilang Franco kay unconscious na ni. Samtang iyang girlfriend okay ra kompara niya. Maong gidalidali ni nila’g dala sa ospital apan DOA o dead on arrival kini.
MISTERYO SA KAMATAYON
Grabi siguro ang kakurat nga nasinati sa host sa maong mga bisita ni Tom tungod sa panghitabo. Apan daghan gyud kaayo og mga pangutana nga posibleng mosud sa hunahuna. Ngano wa man sila nag-life jacket samtang gasakay sa banca? Naa ba’y unos kay nikalit raman og hapak ang banca sa dakong bawod?
Dako gyud kaayong misteryo ang kamatayon sa maong batan-on. Ang atoang pahisubo sa iyang mga hegala ug pamilya.
Photo credits sa hulagway ni Franco ug sa iyang girlfriend nga uban niining article.
