Davao City – Mas nidaghan karon ang gibati’g kabalaka sa subling pagkabanhaw sa mga insidenteng kamatay mugna sa mga secret initiation rites sa fraternities ingon man sororities sama sa mapait nga kapalaran ni University of Sto. Tomas law freshman Horatio ‘Atio’ Castillo III.
Sa pakighinabi kaniya kaganina sa morning primetime radio social commentary nga ‘Straight to the Point,’ gibatbat ni Dr. Christopher Ryan Maboloc sa Department of Philosopy sa Ateneo de Davao University nga angay masabtan ang sikolohiya kun panan-aw niadtong mga anaa sa maong mga organisasyon ug ang willingness sa mga neophytes ug bag-ong recruits nga mopailawom sa ‘hazing’ silbing normal nga proseso niadtong buot mo-abin sa ilang gipili nga organisasyon.
Matud ni Maboloc, angay masabtan nga adunay katungod ang katawhan nga mag-organisa ubos sa constitutional guarantee nga ‘freedom of association’ for legitimate and legal purposes apan kargo usab sa mga tagtungod sama sa mga tigdumala sa mga kolehiyo ingon man fraternity elders nga seguraduhong walay katungod sa mga recruits nga malapas.
Kagahapon gilubong na ang 22 anyos nga UST law freshman mientras ang main suspect nga si John Paul Solano gimando usa sa Department of Justice (DOJ) nga temporaryong i-relase sa kondisyon nga siya ug uban pang ‘Aegis Juris’ officers motambong sa ipahigayon nga preliminary investigation karong October 4 ug 9 ning tuiga.
RadyoMan June Duterte
