Roxas City, Capiz – Pasado na sa ikatlo kag ulihi nga pagbasa sang Kamara ang proposed bill nga magahatag sang libre nga dialysis treatment sa mga pasyente nga imol nga may yara sang end stage renal disease.
Ginpaboran sang 177 ka mga kongresista ang House Bill 9156 o “Comprehensive Renal Replacement Therapy Act.” Kun sa diin mas palaparon man ang benepisyo halin sa Philhealth para sa kidney transplant replacement therapy kag iban pa nga procedures.
Si Bayan Muna party-list Representative Carlos Zarate ang author sang Free Dialysis Bill samtang kadungan sini nagpasalamat naman siya sa mga kapareho nga kongresista nga nagsuporta sa amu nga hagna.
May yara man sang No Balance Billing (NBB) policy nga ginaduso nga laye kag pagpataas sang PhilHealth Z Benefit package para sa peritoneal dialysis and hemodialysis matapos ang kidney transplant procedures. Kinahanglan man nga magpaidalom sa training ang mga nephrologist, dialysis nurse, dialysis technician, kag operating room nurses nga ma-assign sa operasyon.
Samtang igapadayon naman sang Philippine Charity Sweepstakes Office (PCSO) ang kinahanglanon nga sessions sang peritoneal dialysis and hemodialysis kun bilog nga nagamit sang pasyente ang iya PhilHealth benefit package.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
