Free Legal Aid, gimugna sa JCI ug IBP Zamboanga del Sur

28

Pagadian City – Gimugna karun sa probinsya sa Zamboanga del Sur ang Free Legal Aid tumong aron matabangan ang mga binilango nga nagpabilin sulod sa prisohan sa taas nga panahon gumikan sa kapobrehon.
Ang JCI Greater Pagadian Inc., JCI Yllana, uban sa Integrated Bar of the Philippines, JH Cerilles State College College of Law ug kagamhanang probinsyal ang naghugpong aron matabangan matud pa ang mga piniriso biktima lang sa kremin.
Ang napulo ka mga abogado sa JCI ang gikatakda nga mohimo ug random nga pagpili sa mga kaso nga gihuptan sa Public Attrorney’s Office kun PAO.
Nitambong usab sa kalihukan si Judge Dinnes Vicoy, og misuporta sa maong inisyatibo kay sigun pa niya justice delay is justice denied.
Daghang mga piniriso ang wala pamakatilaw og hearing sa korte gumikan sa kakabos busa tumong nila ang paghatag og libreng tabang sa natad sa legalidad.
Ang aktibidad gitambungan guhimo sa Subanen Hall, Provincial Government Complex, Brgy. Dao ning syudad, apil nga niatambong si Provincial Governor Antonio Cerilles.
Gibatikos usab sa gobernador ang paglusob sa mga tinugyanan sa Criminal Investigation and Detection Group nga sigon pa niya nga wala nahisubay sa balaod.
Namahayag usab og pasalamat ang kontrobersyal nga si Provincial Jail Warden Arcoy sa kalihukan nga gimugna sa JCI.

Facebook Comments