Davao City – Gumikan sa walay puas nga disgrasya sa motorsiklo kung asa kasagaran sa mga sakay og kung dili magrabehan og kaangol makabsan sa kinabuhi giduso karon ni Davao City 3rd District Councilor Joselle Villafuerte ang free motorcycle-riding course sa konseho.
Nasayran nga ang orihinal nga resolusyon niini naduso niadto pang 2015.
Sa datos gikan sa Philippine Statistic Authority, nasuta nga 69 porsento sa mga disgrasya sa tibuok nasud sagad motorsiklo diin ang Southern Philippines Medical Center makatala og 70% sa mga biktima sa digrasya sa motor matag tuig.
Ug maayo kini ang rason ngano suportado ni Councilor Villafuerte ang Senate Bill 1822 kun Mandatory Motorcycle Safety Training Program nga giduso ni Senador JV Ejercito sa senado karong tuiga.
Na-istorya na matud pa sa konsehal sila si Davao Highway Patrol Group 11 Commander Police Supt. Eliseo Malana Jr. ug LTO 11 Operation Chief Eleanor Calderon aron pangayoon ang ilang tampo sa pagpanday sa mao nga ordinansa.
Gilaraw ni Villafuerte ang pakigpulong uban sa Metro Manila Development Authority ug Land Transportation Office aron ipresentar ang iyang ideya nga exclusive lane alang sa mga motorsiklo.
RadyoMaN Joel Viray
