TACLOBAN CITY – #FreeEDUCATIONNa, ini an gin-anunsyo han Commission on Higher Education (CHED) Region 8 ngan Unified Financial Assistance System for Tertiary Education (UNIFAST) ha gindumara nga Information Caravan kakulop.
Pag-intrada dayon yana nga school year 2018-2019, waray na poproblemahon iton mga estudynate ngan kag-anak pagbayad hin tuition fee ngan miscellaneous fee ha State Universities and Colleges ngan Local Universities and Colleges tungod nga libre na ini.
Ha interview han RMN kan Humabon Marollano, Regional Coordinator han UNIFAST han CHED, kinahanglan mapasar an estudyante ha admission test o entrance examination han eskwelahan para otomatiko nga sakob na hiya ha free tuition ngan free miscellaneous fee han gobyerno.
“Dapat ang papasakukan ng estudyante ay SUC’s o LUC’s na approved ng CHED. As long as yung estudyante o ang bata ay tanggapin ng SUC’s o LUC’s na approved ng CHED ay otomatik sila na libre ang tuition at miscellaneous fee.”
Aadi naman an mga eskwelahan nga gin-aprobahan han CHED para han free tuition ngan free miscellaneous fee:
Eastern Samar State University
Eastern visayas state university
Leyte Normal University
Naval State University
Northwest Samar State University
Palompom Polytechnic State University
Samar State University
Southern leyte state university
University of Eastern Philippines
Visayas State University
Makakatagamtam gihapon an usa nga estudyante han tinatawag nga Tertiary Education Subsidy (TES) kun diin makakakarawat an usa nga estudyante hin nagkakantidad 40, 000 pesos kada tuig.
Pero siring ni Marollano, prayoridad han TES an mga 4P’s beneficiaries.
Diri kinahanglan magin hopeless an waray ha listahan han 4p’s kay pwede gihapon kamo makatagamtam han TES kun mayada sobra han TES fund.
“Pag maubos na natin yung number ng nasa listahanan ng 4P’s, ang hindi naman 4P’s ang ating next priority kung saan kailangan nilang mag-submit sa UNIFAST or sa CHED ng Income Tax Return (ITR) ng kanilang magulang.”
Igrerehistro han CHED ngan UNIFAST an usa nga estudyante ha bangko kun diin magkakamayada hiya ATM card ngan didto niya makukuha an iya subsidiya nga 40, 000 pesos pero diri ini tigda, 4, 000 pesos kada bulan an imo makukuha ha bangko ha sakob han 10 ka-bulan.
Pahimatangon pa han CHED Region 8, diri na rason an kawarayan hin kwarta para diri makapagtapos ha pag-aram kay yana #FreeEDUCATIONna.
