TACLOBAN CITY – Nag-ubos ha 5.9% an annual inflation rate han Eastern Visayas tikang ha 6.3% nga pinakahataas nga nai-record nga inflation rate yana nga tuig dida han bulan han Hunyo 2018.
Upat nga probinsya han rehiyon sugad han Biliran, Leyte, Northern Samar an may pinakahamubo nga inflation rate dida han July nga umubos ha .5%, .4%, 1% ngan 1.% kumpara dida han nakalabay nga bulan.
An Eastern Samar naman an nagtala hin pinakahataas nga Inflation rate ha 7.8% ngan pinakahamubo naman ha Southern Leyte nga mayda la 1.5 nga inflation rate.
Ha mga Mojor Commodity Groups, an edukasyon an may pinakahamubo ngan an nag uusa-an nga commodity nga ada ha negatibo nga inflation mahitungod han pag-implementar han free tuition law ha mga State Universities and Colleges tikang ha 3.5% dida han Hunyo nga nagin -16.2% dida han Hulyo.
An presyo naman han alcoholic beverages ngan tabacco an nagpapabilin ha double digit ha 21.6% dida han nakalabay nga bulan.
An food and alcoholic beverages tikang ha 7.9% dida han June nga nagin 8.2% dida han July mahitungod han paghataas ha presyo han bugas, mais, isda, gulay, asukar ngan confectionery products.
