7:00 sa buntag miabot sa Job Fair si Sheila Marie Marojo nga taga- Cotabato City aron mupasa sa iyang mga application sa Job Fair nga gi-organisa mismo sa Maritime Industry Authority (MARINA) Davao Region.
Matod ni Sheila Marie, lima ka kumpanya ang iyang gi- pasahan sa aplikasyon Kay gusto niini nga makasiguro nga madawat kini sa iyang gi-apliyang posisyon isip Human Resource Personnel
Nasayran nga kadaghanan sa Aplikante mga fresh graduate sama ni Sheila Marie kinsa nakahuman sa kurso nga Psychology.
Matod kang PESO Davao City Labor and Employment Officer II Erwin Cagape nga dunay 25 ka kumpanya sa local, 10 sa International Company, ug 2 KA Inter-Island nga Kumpanya ang misalmot sa Maritime Job Fair karong adlawa.
Giingon ni Cagape, sagad sa bakante mga trabaho nagsumikad sa Logistics, Sales and Marketing, BPO, Hospitality, ug Technician sa mga Automobile, ug trabaho sa abroad sama sa Domestic Helper.
Sigun ni Cagape, anaa sa 400 ka Aplikante ang ilang target sa Job Fair ug muabot sa 50 ka indibidwal ang gitohoang ma-hired On-the-spot karong adlawa.
Apan sa obserbasyon sa PESO Davao City sa miagi nga semana nga Job Fair, kasagaran sa gi-aplayan mao ang logistics sama sa Service Crew, Delivery Rider ug uban pa.
Ang Maritime Job Fair 2023 nga gi-organisa sa MARINA XI, gipaluyohan sa PESO Davao City, Dole XI, Marina Partylist, ug Department of Migrant Workers (DMW).
Ang Maritime Job Fair 2023 gisugdan ganinang 8:00 sa buntag ug mahuman sa 4:00 sa hapon karong adlawa.
RadyoMaN Joel Viray
