Davao City – Pampawala sa stress ang ‘TikTok’ alang sa usa ka frontline nurse kinsa usa sa mga nakigbisog karon sa COVID-19 sulod sa Emergency Room sa Southern Philippines Medical Center (SPMC).
Na-inspire si Jetro Gesta, nurse nga na-assign sa SPMC-ER sa mga videos nga iyahang nakita sa social media.
Daghan sa mga netizens ang mipadangat sa ilahang pasalamat ngadto sa mga frontline health workers pinaagi sa pagsayaw sa ‘TikTok’ og ‘Fight Song’.
Alang kang Gesta na-boost ang iyahang morale ug nadasig kini taliwala sa kahagu ug peligrong ilahang ginaatubang pirmi sulod sa emergency room.
“Ang ‘TikTok’ sa akoang opinyon kanang maka-wala sya’g stress, stress reliever, makatawa ka. Klase-klase man og mga style ang sa ‘TikTok’. Kung magtan-aw ka syempre malingaw ka, ma-enjoy ka,” segun ni Gesta.
Apan sumala sa maong nurse kun ugaling man i- ban ang ‘TikTok’ tungod sa security reasons angayang mutuman ang katawhan sa gobyerno alang usab sa kaayuhan.
RadyoMaN Aimee Guinita
