Davao City – Matag eleksyon, di malikayan nga adunay mahitabo nga bangi ilabi na sa mga lideres nga adunay gahum ug tumong nga makakuha og taas nga posisyon pinaagi sa kagubot apan maayo na lamang tungod kay adunay mga security forces nga magbantay sa atong seguridad ilabi na diha sa pag-establisar sa mas hapsay nga piniliay.
Gani dinhi sa Davao City, adunay 52 ka mga barangay nga gipailawom sa ‘orange category’ kun hugot nga pagtutok gumikan kay apektado kini kaniadto sa operasyon sa New People’s Army kun NPA.
Hinoon, gipaniguro sa mga awtoridad nga aduna nay igong pwersa dinhi sa rehiyon diin kanunay kining mag-monitor gani visible usab ang mga opisyales sa matag polling precint ugmang adlawa.
Sa akong pakighinabi kang Lt. Col Ezra Balagtey, tigpamaba sa Eastern Mindanao Command, ilang gipaniguro ang monitoring ingon man direksyon sa ilang sakop ilabi na sa mga malagyo nga lugar panahon sa kagubot.
Dugang ni Balagtey, ang election day nagkinahanglan og mas hugot nga seguridad ilabi pa nga aduna gayuy init nga bangi sa pipila ka mga kandidato hinungdan nga ilang ipaniguro ang kaluwasan sa mga personahe nga mo-undertake sa election, ang luwas nga transmittal sa mga election paraphernalia ingon man ang pagprotehir sa katungod sa katawhan nga mobotar sa election day.
“Una, we don’t want na magkagulo yung mga supporters nung ating mga kandidato. Second, there are elements that wants to sabotage yung election so eto yung ating pine-prevent. Pangatlo, ayaw nating madiskaril yung rights ng mga communities sa kanilang right of suffrage.”
Ang pagboto og mga bag-ong lideres dinhi sa nasud dako’g ikatabang sa pagpalambo sa Pilipinas, hinungdan nga naglaum usab si Balagtey nga walay mahitabong kagubot atol sa adlaw sa eleksyon.
“With the mechanism in place and the security in place, we hope na walang mangyayari and we hope na hapsay ang atong eleksyon.”
RadyoMaN Abi Bibera
