Fuego ya raza con 3 apartment

32

Tres edificio de apartment hecho de concreto mesclao palo con 15 maga cuarto el yan uput durante el incendio enantes tarde na Walk Drive, Cabato Road, Tetuan.
El soseso ya ocuri na apartment ta dueña si Josephine Sardua quien presentamente na Metro Manila.
El fuego derepente ya queda grande pasada ala una del tarde y ya tarda por mas de un hora donde ya raza con todol tres maga edificio.
Dayun tambien ya responde el maga bumbero donde mismo el City Fire Marshall Abogao Jufel Brañanola el ya encabesa consu maga gente.
Presente tambien el capitan del Tetuan John Dalipe y el capitan de Tumaga Jacky Lim durante el incendio.
Despues del mas de un hora, ya declara el bumbero “fire out” y nohay reportao quien ya sinti duele.
Nohay pa hace sale el bumbero si cosa el causa del quema y cuanto el destroso.
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments