Full blast nga pag implemetar sa color coding nga Home Quarantine pass, sugdan sa adlaw’ng Lunes

Sugdan sa adlaw’ng lunes ang full blast sa pag-implementar sa dakbayan sa Iligan labot sa color coding nga pag-gamit sa uniformed Home Quarantine Pass sa mga barangay dinhi sa dakbayan sa Iligan.
  Kini mao’y gibutyag ni City Fire Marshall Butch Baulete, ang Incident Commander sa Inter Agency Task Force on COVID 19 sa dakbayan.

  Matud ni Baulete, sa mismong adlaw mohimo na sila ug operation aron sutaon ang bitbit sa katawhan nga mga Home Quarantine Pass kun nagsubay ba kini sa color ug adlaw kun asa sila pwede nga mogawas.

Gituyo kini sa kagamhanang lokal sa iligan sa pag-implementar nga bahinon sa unom ka gropo ang mga barangay sa iligan aron maminusan ang pag-gawas sa katawhan.  
Sa pagkakaron mamahimo pang magamit sa katawhan ang daan nila nga quarantine pass sa pag-gawas sa ilang mga panimalay apan sa adlaw’ng lunes ang bag-o na gayud nga quarantine pass ang ilang gamiton.


Facebook Comments