Matud ni Dionisio Abude, CTTMO Head, entero bulan sa Disyembre nagpahibalo na ang mga personahe, nitunol og mga flyers ug pagmuntar og mga signages kada 500 metros sa mga kadalanan.
Karong Enero 9 ipahigayon sa CTTMO ang pinakaulahing orientation uban ang City Information and Technology Center (CITC) kapulisan ug ang ilahang motorcycle units nga mag-implementar sa speed limit.
Nagpahimangno ang CTTMO sa mga motorista sa penalties ngadto sa mga violators subay sa new speed limit ordinance, P1,000 sa first offence, P2,000 sa second, ug P5,000 sa ikatulo ug musunod pang mga kalapasan.
Ilawom sa ordinansa ipatuman ang 80 kph speed limit sa mga light vehicles ug 50 kph sa mga trucks sa Bunawan-Lasang, Lacson-Buda, Carabao Monument sa Toril- Binugao sa Sta Cruz; 60 kph speed limit sa mga major roads nga Ulas Crossing pa-Carabao Monument Waypark, Crossing Panacan-Bunawan Crossing, Davao City Coastal Road samtang 30 kph sa mga feeder/minor roads.
Subay niini 40 kph limit sa mga tourist street, 30 kph sa mga trucks ug 20 kph sa mgapublic subdivision roads, barangay roads ug school zones.
RadyoMaN Aimee Guinita
