Gipahugtan sa Police Regional Office o PRO 10 ang seguridad sa tibuok rehiyon human ang sunod-sunod nga pagpamomba sa General Santos City ug Midsayap, North Cotabato kagahapon.
Kini ang daling gimando ni PRO 10 Director Police Chief Supt. Timoteo Pacleb.
Matud ni PRO 10 Spokesperson Police Supt. Surky Sereñas nga nagpakatag na og mga police personnel ug mga k-9 units ang kapulisan ug mas gipahugtan ang intelligence gathering aron mapugngan ang mga terror attack sama sa pagpamomba.
Nanawagan usab si General Pacleb sa katawhan nga mahimong kalmado ug vigilante.
Kung dunay mamatikdan nga madudahang lihok daling ipahibalo sa mga otoridad.
Gisiguro niini nga ginahimo sa kapulisan ang ilang tahas aron mamintinar ang kaluwasan sa katawhan sa rehiyon 10.
