Fully vaccinated individuals tugotan sa sinehan

58

Davao City – Sugod karong adlawa (December 1, 2021), balik operasyon na ang mga sinehan sa pipila ka dagkong mall sa syudad sa Davao.

Gipahinumdom sa Davao City Coronavirus Disease 2019 (COVID-19) Task Force (TF), ang pagsunod sa minimum public health standards batok COVID-19 ilawom sa Alert Level 2 nga maoy classification karon sa Local Government Unit (LGU).

Sa advisory nga gipagula sa usa ka mall sa J.P. Laurel Avenue, Davao City, ilang gipahunomdom nga kadto lamang nga fully vaccinated nga indibidwal lakip na ilang personahe ang makasulod sa cinema.


Kinahanglan usab nga magpresenta sa SafeDavao QR (DQR) ug vaccination card. Adunay checking sa temperatura ug istriktong pagpatuman sa distansya sa lingkuranan asa adunay gimarkahang bangko nga dili pwedeng iokupar.

Aduna usay sanitizer nga i-provide sa management, ug istriktong ipatuman ang pagsuot og face mask sulod sa sinehan.

Una nang giklaro sa COVID-19 TF nga bisan og gitugot ang sinehan ilawom sa Alert Level 2, kinahanglang istriktong masunod labi na gyud ang 50% capacity sa venue subay usab sa guidelines sa Department of Trade and Industry (DTI).



RadyoMaN Kirby Manzon

Facebook Comments