BACOLOD CITY – Duha ka mga lalaki ang ginbuno samtang nga nagabantay kuntani ini sang salakyan sini gid lamang nga kaagahon sa BS Aquino Driver, ciudad sang Bacolod.
Ang mga biktima ginkilala nga sanday Eduardo Magno, 38 anyos, residente sang Camella Subdivision, Talisay City kag si Vicente Torres, 51 anyos.
Suno sa imbestigasyon, may mga la 1:30 sini nga aga, ang mga biktima ang nagatindog sa higad sang dalan kag nagabantay sang salakyan sa area sang BS Aquino Drive sang ini sila ang gindulugan sang isa ka traysikol sakay ang 2 ka suspek.
Si Magno nag-angon sang igo sa likod sang iya lawas samtang si Torres naman may buno sa iya wala nga kilid.
Gindala sa Corazon Locsin Montelibano Memorial Regional Hospital ang mga biktima samtang gilayon naman nga nagpalagyo ang mga suspek./
