Davao City – Wala pay giluwatang opisyal nga pamahayag gikan kang Police Regional Office XI Regional Director PCSupt Manuel Gaelan kung posible bang maigo sa ‘one strike policy’ ang tulo ka mga station commanders o mismong si DCPO head PSSUPT Alexander Tagum human sa sagunson nga pagpangdabdab sa mga gisuspetsahang sakop sa New People’s Army.
Gibutyag ni Police Regional Office XI Spokesperson PCI Milgrace Driz gikinahanglan muagi pa og masusing imbestigasyon kung aduna bay mga nahimong lapses ang mga hepe nga sila PCI Michael Uyanguren sa Calinan Pnp, PCI Jack Tilcag sa Buhangin Pnp ug PSI Achilles Bargio sa Paquibato Pnp.
Matud ni Driz mag-agad usab ang desisyon kang Gaerlan base sa mamahimong resulta sa imbestigasyon.
Sa pagkakaron wala pay order kung i-relieved ba sa pwesto ang mga pulis kinsa nalutsan sa mga teroristang NPA.
RadyoMaN Aimee Guinita
