BACOLOD CITY – Dakup ang apat ka mga suspek sa ginpatigayon nga drug buy bust operation sang mga katapo sang Police Station 1, las 9:45 kagab-i sa Purok Cadena de Amor, Brgy. 29, Bacolod City.
Ang mga nadakpan nakilala nga sanday Noli Limbaco, 62 anyos sang Brgy. 29, Bacolod City, Iluminado Semillano, 50 anyos, pumuluyo sang Brgy. Kansonsing, San Enrique, Summer Alila, 40 anyos sang Brgy. 29 kag Payton Vaflor, 36, pumuluyo sang Purok Newton, Brgy. Taloc, Bago City.
Suno sa mga katapo sang Station 1, ang mga drug personality ang nadakpan man sa akto na nagahampang sang tong-its.
Nakuha sa mga suspek ang tatlo ka sachet sang ginapatihan shabu, buybust money nga 300 pesos, baraha kag bet money nga 50 pesos.
Kaso violation sang RA 9165 ukon illegal drugs kag PD 1602 ukon illegal gambling ang natalana igapasaka batuk sa mga suspek.
Ang mga suspek yara na karon sa kustodiya sang Police Station 1./dyHB BACOLOD
