Davao City – Narekober sa kapolisan sa San Pedro ang duha ka mga video karera machines ug usa ka fruit bet game machine sa ilang padayon nga kampanya batok iligal nga sugal.
Base sa report nga nahipos sa talaan sa San Pedro PNP nga dunay naka report kanila nga usa ka concerned citizen nga rampant ang pasugal sa mao nga lugar partikular sa may Lower Madapo Hills Brgy. 5-A ug daghan na ang nireklamo niini.
Sa mao nga impormasyon, dali naghimo og team nga gipangunahan ni San Pedro PNP station commander PCI Ramil Macarampat.
Sa gilusad nga operasyon, walay nasikop ang kapulisan gumikan daling misibat ang mga mandulaay sa wala matino nga direksyon.
Kasamtangang anaa na karon sakustodiya sa San Pedro PNP ang mga nakumpiskang Illegal Gambling Machines.
RadyoMaN Paul Canono
