Davao City – Mikunhod ang krimen sa Pilipinas subay sa gipatumang community quarantine tungod sa COVID-19 Pandemic.
Gibutyag ni PNP Director General Archie Gamboa sa inauguration ug blessing sa PRO XI Media Center sa Davao City, 50-55% ang pag-ubos sa krimen sa nasud.
“Generally ang atoang krimen for the past 80 days or more during the quarantine restrictions, ECQ, GCQ, MECQ nikanaog gyod ang halos tanang krimen all throughout the country,” sulti ni Gamboa.
Matud ni Gamboa nga tungod sa hugot nga gipatumang seguridad tataw nga dako ang pagkunhod sa ihap sa kaso sa robbery ug theft.
Sa limitadong lihok sa mga tao anaa sa 80% ang pag-ubos sa carnapping ug 40% usab sa physical injuries, homicide ug murder.
Sa pagbalhin sa mas luag nga quarantine protocols, hitsas na ang PNP sa ilahang ipatuman usab nga seguridad kontra sa mga dautang elemento.
RadyoMaN Aimee Guinita
