Davao City – Anaa na karon sa kustodiya sa Talomo Police Station ang na-rekober nga gituohang mga gamit sa mga kawatan nga nakita ilawom sa exit drainage duol sa gilungkab nga grocery store sa Puan ning syudad.
Nahipos sa mga awtoridad ang 5 ka pares sa mechanical/rubberized gloves, 5 ka bonnet masks, usa ka tube mask, 2 ka sweat shirts, 3 ka mga jogging pants, usa ka pares sa itom nga medyas, ug usa ka ka crew bar nga duna’y sukod kapin kun kulang 74 cm nga posibleng maoy mga gipang gamit sa mga suspects sa pagpangransak.
Kahinumduman nga mobalor sa P400,000 sa cash safety box ang nadagit lakip na ang mga kwartang unod sa gipangguba mga ATM machine ug Pay and Go Loading machines.
Sa pagkakaron, nagpadayon pa ang imbestigasyon ug hot pursuit operation alang sa kasulbaran sa kaso ilabi na nga duna na’y lead nga ginatutukan ang kapulisan.
RadyoMan Ivy Parido
Facebook Comments
