Garbo! Kagay-anon, top one sa Officer Candidate Course sa Philippine Army

PC: 2nd Lt. Luwiemae Maceda & Philippine Army

Gipangunahan sa usa ka kagay-anon ang bag-ong batch sa mga officers nga nitapos sa Officer Candidate Course “ Emancipator” Class 50 – 2018 nga misulod sa Philippine Army.

 

Tungod niini, nakadawat og Secretary of National Defense Saber Award ang kagay-anong si 2nd Lt. Luwiemae Maceda.

 

Si Maceda nigradwar sa Bachelor of Arts in Technology Communication Management sa Mindanao University of Science and Technology dinhi sa syudad.


 

Gidawat ni Maceda ang award niadtong Agosto 30 atol sa closing ceremony sa Officer Candidate School sa TRADOC, Camp O’ Donnell sa Capas, Tarlac.

 

Top one si Maceda sa 168 graduates sa Emancipator Class 50 nga nisulod sa Philippine Army human ang usa ka tuig nga grabeng training.

Facebook Comments