Ginbweltahan ni anay Health Secretary Janette Garin si Senator JV Ejercito, chairperson sang Senate Committee on Health, matapos tawgon sang senador nga heinous crime nga triple pa sa Dengvaxia ang ginapatihan pag-divert ni Garin sang P10.6 billion nga pondo sang Philippine Health Insurance Corporation (PhilHealth).
Sa isa ka interview ginatawag ni Garin nga ‘misinformed’ ang senador.
Makatilingala suno sa anay DOH chief nga madasig siya ginhusgaran ni Ejercito apisar nga wala pa sini nabati-an ang bahin ni Garin.
Suno kay Garin, ginapulitika lang siya sa isyu sang Department of Health.
Ginhangkat pa niya si Sen. Ejercito nga kun luyag nila tinlu-an ang PhilHealth dapat magpatuman ini sang independent audit sa ahensya.
Pati si PhilHealth Executive Vice President kag Chief Operating Officer Ruben Basa ang ginhangkat man ni Garin nga magpagwa sang ebidensya sa ginasiling pag-divert sang pondo. – RCSG / iFM News Bacolod
Photo by Rappler
